Translate

Thursday, March 30, 2017

म जस्तै सरकार !!



म र सरकारमा के फरक छ ? धेरै पटक मनमा प्रश्न आउछ/ धेरै पटक उतर खोज्न थाल्छु / मलाई लाग्छ सरकार म भन्दा बलियो छ / उ संग म भन्दा बढी व्यक्तिहरुसंग सम्पर्क छ / चिनजान छ / धेरै देशका राष्ट्रप्रमुखहरुसंग टेलीफोनमा कुरा हुन्छ/ समस्या समाधानका लागि बसिएका वार्ताहरुमा उनै बहस गर्छ / मेडीया, भाषण, चिया गफ, पसल, यत्र तत्र सर्वत्र उसैको चर्चा हुन्छ /

पैसाको थलो राष्ट्र बैक उसकै हो / आयोजना निर्माण स्विकिर्त गर्ने नागरिक लगानी बोर्ड उसकै हो / ३७ वटा त उसका संस्थानहरुनै छन्, नुन देखि लिएर सुन सम्मको कारोबार गर्छन / बिभिन्न मन्त्रालय र त्यसमा काम गर्ने सचिव देखि लिएर तल्लो तहका कर्मचारी पनि उसैको हो / उसंग के छैन / सबथोक छ/ उसले चाह्यो भने मलाइ एक मिनेटमा पक्रेर झ्यालखानामा कोच्छ र अनेक अनेक लान्छना लगाएर मेरो जीवनलाइ नरक बनाउन सक्छ / यस अर्थमा उ म भन्दा कयौ गुना बलवान, बुद्दिमान छ , अथवा उसको र मेरो तुलनै पनि नहोला / उसको अगाडी मेरो अस्तित्व भनेको मेरो अगाडी कमिलाको अस्तित्व भएझैँ हो / छ पनि छैन पनि /
अस्ति ब्लुबुक नविकरण गराउन जादा ३ बजे सम्म खुल्नु पर्ने लेखा २ बजेनै बन्द गर्दा कम्ता रिस उठेको थेन / तर के गर्ने उ सरकार हो / उसको अगाडीको नगन्य मैले उसको आज्ञाको सिरोपर नगरेर कहाँ बाच्न सक्छु र ! अर्को दिन जानै पर्यो / बल्ल बल्ल काम भयो संगै उसको रुखो व्यवहारको सामना पनि गर्नेपर्यो / के भन्ने उ सरकार जो पर्यो / अब सरकारले यस्तो गर्यो, त्यस्तो गर्यो ,म माथि रुखो व्यवहार भो म जाबा फिस्टेले कहाँ कम्प्लेन गरु / मेरो के औकात ? मेरो के ल्याकत ?

सरकार आफै छुर्पी र बोझोको बेवास्था गरेर ,पानको पिच्च पिच्चमा रमाएपनि म सरकारलाई येसो नगर भन्न कहाँ सक्छु र ! मेरो लागि सरकार मालिक हो उसको लागि म एकदमै सामान्य एउटा अस्तित्व मानौ १०, १५  लाखको एउटा जिउदो लास / त्यो पनि असामयिक, दुर्घटित/
येस्तै येस्तै धेरै कुराले सरकारको अगाडी म नतमस्तक छु / म उसलाई बाटोमा भेटे नमन गर्छु / सभा, सम्मेलन , चोक, गल्लीमा उसलाई सुने ताली पडकाउछु / कहिले आइजो तेरो खाचो छ भनेर मलाई बोलाउछ म र्यालीमा गैदिन्छु / पेट्रोल लिन लाइन बस भन्छ म दुइ दिन लाइन बसेर ५ लिटर पेट्रोल लिंएर मुस्कुराउदै घर फर्किन्छु / जे भने त्यहि मान्छु / केहि प्रतिकिर्या जनाउदिन किनकि उ म भन्दा माथि छ / उ पैसावाला, पुलिसवाला, सबथोक छ / मेरो केहि जोर चल्दैन/ मात्र अलि अलि मनमनमै प्रश्नहरु उब्जाउछु / सके कोहि साथीभाइ, परिवारका सदस्यसंग मनका आवेगहरु पोख्छु / 

हरेक कुरामा सरकार मलाई उछिन्छ, पछार्छ, हुर्याउछ/  कहिले मुर्ख कहिले भेडो कहिले नालायक आदिको आदिको संज्ञा मलाई दिन्छ  / एउटा ढुंगा जति पनि मलाई गन्दैन / मान्छेहरुले अनेक अनेक तर्कना गरेर मलाई झुक्याए झैँ सरकार पनि बेला बेलामा मलाई झुक्याउछ / फलानो वा तिलानो दिन्छु भनेर बोलाउछ नदिईकन पठाउछ / फेरी पनि के भन्नु उ आफु भन्दा ठुलो छ / भब्य छ / उसको भब्यतामा म कहाँ हराउछु कहाँ !!! 

केहि दिन अघि सरकारसंग ‘द गुर्खा युके’ प्रालिको भेट हुन्छ / अनेक अनेक अन्तरंग कुराकानीहरु हुन्छन / पहिलो राउण्ड चिया र कुकिजसंगै गफहरु जम्छन / कहाँ कहाँको गोरु बेचेको साइनो सरकार र द गुर्खा युके प्रालि बीच स्थापित हुन्छ / त्यसपछि ह्विस्की र रमका रसिला चुस्कीसंगै सम्बन्धहरु प्रगाढ बन्छन / द गुर्खाले सरकारलाई पवनका झोक्काहरुबाट बिजुली बाल्ने काइदा जान्या छु भन्छ / सरकार होर ! को भावमा जिल्ल पर्छ र तुरुन्त यस काइदालाइ प्रयोग गर्ने कुरामा ‘कन्भीन्स्ड’ हुन्छ / बिजुली दिन नसकेर माथापच्चिस भएको सरकार राहतको सास मात्र फेर्दैन सभा सम्मेलनमा पवनका झोक्काहरुबाट बिजुली निस्किदैछको उद्घोस पनि गर्छ / कुरा सुनेर मान्छेहरु हास्छ्न / हाटबजार उसको उल्लि बिल्ली बनाउछ / तैपनि उ एउटा अठोड़ राख्छ र आफ्नो मातहतको लगानी बोर्डमा द गुर्खालाइ पवनका झोक्काबाट बिजुली बनाउन देउको ठाडो तोक आदेश दिन्छ /

समय चलिरहन्छ / मौसम बदलीरहन्छ / दिन पछि रात र रात पछी दिन भैरहन्छ / एउटा डीजीटल पत्रिकामा समाचार आउछ / द गुर्खाको शेयर संख्या दुइ / बैकमा ब्यालेस जम्मा २ पाउण्ड, दायित्व ६० हजार पाउण्ड भन्दा बढी / र यस्तै यस्तै अरु पनि / यो पढेपछी मलाई औधी खुसि लाग्छ कि सरकार पनि मझैँ कुनै नटवरलालको फन्दामा पर्यो / तेत्रो बुद्धिमान, बलवान, शक्तिमान सरकार पनि मेरै बिरदारीमा आइपुग्यो / मलाई झैँ सरकारलाइ पनि कसैले उल्लु बनाएछ / सरकार पनि उल्लु हुदोरहेछ / अचेल म “म र सरकार” बीच केहि भिन्नता पाउदिन म जस्तै लाचार र निर्भिक !!!          



Wednesday, July 16, 2014

बेलाको बोली

^^^^डाक्टरको आँखामा भडास् ^^^ 

वाहिहात काम मा दिन त कति खर्च भो भो / कैले के कैले के / बतासे पारा मा यता उति गर्दा गर्दै दिनले रातको बाटो समातिसकेको हुन्छ / बिहान बादर लेखेटन एउटा लौरो बोकेर बिहानी हिडाईबाट सुरु दिन बेलुका सम्म अनेक अनेकन कुराहरु दिमाग मा हाल्दा हाल्दै सुत्नी बेला भैहाल्छ /प्रि- म्याचुएर स्टेट मा ग्रसित दिमागले यहाँ सम्म को काया कर्म गरिसक्यो कि हुदा हुदा नया सेल फोनको स्क्रीन पास्वोर्ड धरी दिमाग नै राखिसक्यो /

 आज बिहान एउटा ढोका को अगाडी लेखिएको केहि सूचनामा आँखा अल्झिन्छ / हेर्यो त्या आफ्नो सेल फोन प्रयोग नगरिओस् भन्ने आशयको प्रस्टोक्ति छ/ तर भित्र एउटा दरा पाखुरा भएको,हेर्दै खाइलाग्दो, डाक्टर सेल फोनमा मस्त थियो / ए जो अगुवा त्यहि बाटो हगुवा / अर्कोले भनि हाल्यो या मान्छेहरु कति लाइनमा छन् उ चाही फोन चलाइराछ / मैले उसलाई त्यो ढोका को सूचना देखाए / अनि भनि हाल्यो - खिचेर हाल्दिउ न कतै सोसल नेटवर्कमा /

जे मा पनि नेगेटिब/ एउटाको ट्वीट सारै घतलाग्दो थियो यसै मेसो मा याद आइहाल्यो - "आफु चाही सुद्ध प्लस खाएर बाटोमा पिच्छ पिच्च थुक्दै हिन्ने अनि देशमा संबिधान बनेन भनेर नेताहरुको सत्तो सराप गर्ने/ दिनभरि नेगेटिब कुराले दिमाग भर्दै ठिक्क छ , अरुलाई दोष दिदै अन्तिममा सरकारमा नभए पैसामा कुरा लगेर ठोकाउनी अनि देश खत्तम छ यार भन्नि " हो पनि चाहिने भन्दा बडी नै  नकारात्मक कुरामा दिमागलाई दुख दिएर खुसि ब्यक्त गरिन्छ  / अनि यहि सम्झेर लाग्यो - उसको कार्यालय, उ डाक्टर. उसको फेसबुक, उसको एसेम्स, उसको टेबल, केहि अपडेट गर्न मन लाग्यो होला, साथीलाई केहि लेख्यो होला , एउटा लाइक बटन दबायो होला , तेती न हो / धेरै ठुलो कायकर्म त गरेन / पछि केहि मान्छेले हाम्रो पालो आएन धेरै बेर भैसक्यो कुरेको भनेपछि बल्ल नाम बोलाउन थाल्यो /  

कस्साकस्सी

म चम्सुर लगाए भने तिमि पालुंगो लगाउ , तिमि मेथी लगाउ म लसुन रोप्छु / यसको अर्थ खाना मा भेराइटि हुन्छ / बारीमा लगाएको तरकारीको आदान प्रदानले तिम्रो र मेरो  बिचको सम्बन्ध मा नया नया आयामहरु प्रदान गर्छ / मेरो लसुनले तिम्रो दाललाइ स्वादिलो तुल्याउछ अनि तिम्रो मेथीले मेरो तरकारी लाई जीवन्तता दिन्छ / तेल तातेपछि के पड्काउने भन्ने दुबिधा रहदैन / त्यस्तै तिम्रो पालुंगो र मेरो चम्सुर मिसाउदा बेग्लै मज्जा आउछ / फरकपना को अनुभूति हुन्छ / स्वादमा रसकिता आउछ /  झ्याल र पर्दा को दोस्ती झैँ  तिम्रो र मेरो दोस्ती मा अझै निखारपन आउछ / तर स्थिति ठयाकै उल्टो छ / जब म बारीमा लसुन रोपिरा हुन्छु , तिमि त्यहि सिको गर्छौ र लसुन मै ध्यान मग्न लगाउछौ / यसरी तिम्रो मेथीले मेरो भान्सामा पड्किने अवसर पाउदैन / अनि अन्त्यमा तिम्रो र मेरो भेट बजारमा हुन्छ जहाँ तिमी र म मेथी किन्न उद्धेलित हुन्छौ / दुवै जना केहि पैसा मेथी माथि लगानी गर्छौ र संग संगै घर फर्कन्छौ / बाटो भरि हामी गफिन्छौ / मेथी र लसुन को गफ / सट्टा पट्टा को क्रम अब अर्को पटक चाहि गर्ने बाचा गरी तिमी ओझेल पर्छौ र म पानी ओझेल पर्छु /

समय बित्छ र लौका लगाउने बेला आउछ / म तिमीलाई सिमी रोप भन्ने सल्लाह दिन्छु तर तिमी फेरी उही क्रमलाइ यथाबत राख्दै मेरै पछि पछि आउछौ र लौका नै रोप्छौ / अर्को सिजन म सिमी रोप्छु यहि आसमा कि तिमी लौका लगाउछौ , तर पिर्थीबी आफ्नै कक्षमा फेरी पनि घुमिरहन्छ / बोतल उही र रक्सी फेरिन्छ / कथाले पुरानै प्लटको माग गर्छ र अंग प्रदर्सनको क्रम जारी रहन्छ / र बाहिर हल्ला हुन्छ कथाले मागेपछि..............ढयान ट्याँयाँयाँ ................ 

एउटाले अध्यक्ष साबको छोरा ले सुधारिएको  पानी घट्ट लगायो / मान्छेहरु आउन थाले / व्यापार गजब चल्न थाल्यो / दिन दुगुना रात चौगुना पैसाको खोलो अब बग्न थाल्यो / अनि अर्कोलाइ असह्य भयो अनि उसले पनि सुधारिएको पानी घट्ट नै लगायो / उसले तोरी पेल्ने कोल लगाएको भए कति राम्रो हुन्थ्यो / मान्छेहरुलाइ सुबिधा हुन्थ्यो / 

सेंसिबीटि हुनु राम्रो कुरा हो /   can anyone answer me... can you think without language or language is needed to think huh!!! deep

एक फरक प्रसंग 

म !! फस्ट क्लास हुन चै म खै  सक्छु कि सक्दिन ,,हे हे हे / अब भीरको चिन्डो न उभो न उधो , कि म मरु कि म बाचू कि, फस्ट क्लास हुने बितिकै म एक दुइ महिना सर्विस गरे भने म त रिटाएर हुन्छु / म त्यो खाले / साची खाटी कुरो / भने सर्छ हाने मर्छ/  म त्यस्तो उक्ति पनि म त उखान टुक्का पानी जोडदिन्छु / खासै अब.. जस्तो ..यो शिक्षण पेशा मा लागेको करिब करिब २०४६ पुस १९ देखि अब अहिले मेरो कायमै छ / अब यसरी जादा जादै म का डुले काँकाँ बसे / मेरो एक्स्पेरिएन्स हो त्यो / त्यसरी बसियो हैन / खाइयो / साथी भाइ इस्टमित्र नर-नाता जोडियो / अँ !! अब ,त्यसरी हिडाहिडे जादा जादै मलाई येस्तई हो भने/ मेरो एउटा शिक्षण पेसा प्रति पनि मैले धेरै अनुभवहरु बटुले / अब त्यहि भएर म  यस बिषयलाई गौरब मान्छु खुसि मान्छु / मैले सम्पति कमाउनु मात्रै ठुलो कुरो हैन/ मैले चै  दिएको ज्ञानगुणलाई चै  बहा मेरो स्टुडेन्टहरुले त्यो हैन सूचना अथवा त्यो ज्ञान प्रवाह गर्नु ठुलो कुरो हो /

तथास्तु !!!!!

Monday, July 14, 2014

बिरालो एक अध्यनन


either life becomes prosperous
or  you produce What THE HELL
do cats ever weep like men
yes when they feel great loss
when do they have U turn,
when they get MILK or MOUSE
either life becomes prosperous
or you produce What THE HELL

बिरालो एउटा बाघ श्रेणीको घर पालुवा जनावर हो / यसका जुँगाहरु कांसका सुरिला पत्ताहरु झैँ सुरिला हुन्छन /यो सामान्यतया म्याउ म्याउ को ध्वनीमा घर मालिकसंग दुधको पुकार गरिरहेको हुन्छ / हुनत यसलाई मुसाको मासु पनि खुब मनपर्छ / यसलाई  घरको भकारीको कुना,बारीको पछाडी पट्टिको कुनो ,बुइगल ,खाट मुन्तिर आदि आदि ठाउहरुमा माउसुली भन्दा अलि कम मेडीटेटिब मुद्रामा सिकारको लागि ढुकिरहेको पाइन्छ / यसले आफ्नो सिकारलाई खेलाई खेलाई मार्छ/ यी त भए यसका केहि परावर्तनहरु  / के यतिले  मात्रैले बिरालोलाई चिनाउछ छ त ? अवस्य चिनाउदैन / यसले अरु के गर्छ , कस्तो कस्तो स्थितिबाट आफुलाई पार लगाउछ ? यसको बचाईको संघर्सलाइ नजिक बाट नियाल्ने अभिमन्यु हुमागाई आफ्नो पुस्तक " बिरालो र संघर्स" (१७७३) मा लेखछन -बिरालोलोलाइ जति टेन्सन अरु कुनै जनावरलाई छैन / यसलाई एक आफ्नो सिकार गरि पेट भर्नु पर्ने हुन्छ र दोस्रो कुकुरसंगको पठजोरी को लागि हरदम लस्कर- ए- तोइबा को आक्रमण पछि भारतीय पुलिस हाइअलर्टको अवस्थामा झैँ रहनु पर्ने हुन्छ/ यसरी हेर्दा बिरालोको बचाई खुकुरीको धार, बाच्न पनि जगजगी मर्न पनि जगजगी भन्ने झैँ भान मिल्दछ / एक फरक प्रसंगमा हुमागाईं अगाडी लेखछन बिरालो बाघको नातामा मामा पर्न आउछ / बाघलाई रुख चड्न सिकाउने नै बिरालो हो / तर यहानिर बिरालो आफ्नै भान्जोमाथि कुटनीतिक तरिकाले प्रस्तुत हुन्छ र रुखबाट ओर्लने कला उसलाई सिकाउदैन/ यसप्रकार बिरालो एउटा सफल कुटनितिज्ञको रुपमा रहेको भन्न सकिन्छ / यदि कुनै पनि देशको सरकारले बिरालोलाई आफ्नो कुतनितिग्य सल्लाहकार मात्र पनि नियुक्ति गर्ने हो भने त्यो देशको छबि अन्तर्राट्रियरुपमै मजबुत हुने प्रस्ट छ / बदलामा उसलाई केहि दिनु पर्दैन मात्र दिनको २ पोका डीडीसीको दुध र केहि मुसाको मासुका फिर्काहरु सिवाय /

बिरालो एक अति नै सामाजिक प्राणी हाम्रो घर आगनमा सदियौदेखि रही आएको कुरा सर्वाबिधितै छ / बिरालोको सामाजिकीकरण प्रतक्ष रुपमा घरका एक एक सदस्यहरु संग गासिएको हुन्छ / कोहि बिरालो माथि अत्यन्तै प्रेमपुर्वक प्रस्तुत हुन्छन र सुमसुम्याएर बस्छन त कोहि बिरालोको म्याउ सुन्ने बितिकै त्यसलाई लखेट्न उद्दत हुन्छन / गेहड़ी गुठीका एक किसान बिकाउ महतो भन्छन- " मलाई बडी परेसानी जब हुन्छ तब यो बिलारो मेरो सुतेको ठाउमा घुस्रन आइपुग्छ / रातिमा मेरो खटियामा यदि यो आयो र सुत्यो भने भोलि पल्टको मेरो दिनै खराब हुन्छ / यस्तो किन हुन्छ मेरो समझले बुझदैन / त्यहि भएर मलाई बिलारो मन पर्दैन / यो देख्यो कि लखटने मन गर्छ / यसरी बिरालोमाथिको मानबअधिकार हनन  पुस्टि भैसके पनि सरोकारवाला निकाय यो कुरामा मौन देखिनुले बिरालो प्रेमी सीतास्मा बैद्य जस्ताहरुलाई ठुलो मर्का परेको छ / सब चुप छन् / तै चुप मै चुप गुपचुप !!!

विभिन्नखाले धार्मिक समारोहहरुमा बिरालोले ठुलो सास्ती भोग्नु परेको सर्वबिदितै छ / निज बिरालोमाथि सम्बन्धित धर्मका ठेकेदारहरुले यस्ता समारोहहरुमा कर्फू आदेश नै जारी गर्ने गरेका छन् / बिशेस गरि सराधेको मौका पारी उसलाई बाँधिन्छ र उसको स्वतन्त्र भै बाँच्न पाउने अधिकारलाइ कुण्ठित गरिन्छ/  यथार्थमा, एउटा बिरालोले आफ्नो स्वतन्त्रता माथि धावा बोलेको टुलुटुलु हेर्नु सिवाय गर्न नै के सक्छ र !  यसै सम्बन्धमा निकै लामो समय देखि बिरालोको पक्ष्यमा वकालत गर्दै आएका डा. भद्रगोल राइ भन्छन- न उसंग स्वतन्त्रता सेनानी क्याप्टेन यज्ञ बहादुर थापा छन् न आधुनिक युगका स्वतन्त्रताबादी नेता गिरिजा प्रसाद नै छन् / कमरेड मदन भण्डारी सम्म पनि जिवितै भएका भए उसको केहि हुने थियो होला  / निरिह र लाचार यी दुइ शब्द बाहेक यस्ता समारोहमा उसको अन्य कुनै गुन्जाइस नै हुदैन / अनि किन नरिसाउन सीतास्मा बैद्यहरु /
 यसैगरि, बिरालोको बाटो कटाई सम्बन्धमा पनि घनिभूत पाराले छलफल, गोस्टि, सेमिनार, कार्यशाला आदि आदिमा चर्चा परिचर्चा चल्ने गरेको पाइन्छ / बिरालोको बाटो कटाईलाइ अपसकुन हो भन्नेहरुकै बोलबाला रहन्छ यस्ता कार्यक्रमहरुमा / यदि बिरालो आफु हिड्ने बाटो अगाडिबाट बाटो काटे तिन पटक आकासतिर हेरी थु.. थु.. थु.. गर्नुपर्ने परम्पराको निरन्तरतामा नै बहुमत घोसणा गरिन्छ र मासु चिउरा खाएर कार्यक्रमको बिसर्जन गरिन्छ / 

बिरालोको ट्रेट्स सम्बन्धमा एक जानिफकार , कश्यपराज दाहाल आफ्नो पुस्तक "बिरालोको बचाई" मा लेखछन- बिरालोलाइ यदि ढोका थुनेर उ माथि सांघातिक हमला मा उत्रदा निकै नै जोखिम मोल्नु पर्ने हुन्छ / यस अवस्थामा बिरालोले आफ्नो बाघपन देखाउछ र सिधै घांटी अठ्याउन आउछ / यस प्रकारको बाघपनले बिरालोले आफ्नो रेस्क्यु कसरी गर्छ, कसरी आफ्नो जिउधनको सुरक्षा गर्छ / कसरी आफ्नो अस्तित्वलाइ यावत मानिसहरुबाट बचाऊछ र कसरी युगौयुग सम्म पनि आफ्नो उपस्थिति यस धर्तीमा  जोडदार ढंगले विध्यमान राख्दछको ट्रेट्सलाइ दाहालज्युले निकै रोचक तरिकाले प्रस्तुत गर्नु भएको छ /

 "बिरालोले बाटो काट्छ र द्रुत गतिमा आइरहेको ट्रक एक्कासी रोकिन्छ / सुमन सरकारलाइ यो सब मन पर्दैन र ट्रक चालकलाइ अन्धबिस्वासी को उपमाले सज्जित गर्दै ठुलो कटाक्ष गर्दछ / यस दृश्यलाइ नजिकबाट नियालेका एक प्रतक्ष्यदर्शीले सुमन सरकारको कदमलाई निकैनै साहसी भनि व्यक्त गरेका छन्/

यी यावत तथ्यहरु बिरालोलाई परिचित गर्नकालागि काफी हुन्छ भन्ने यो पंतिकारको ठम्याई छ / यसका लागि हजार जिब्रा भएका शेष नागको पक्कै पनि जरुरि पर्दैन/ यदि तेस्तो उल्लेखनीय कुराहरु छन् भने आफ्नै थप्नु होला !

Friday, February 21, 2014

सत्ता मोह !!!




ओ स्वीट स्पोंटेनियस अर्थ हाउ अफन हयाब ड डोटिंग
-इ इ कुमिंग”  

हिमाली जीवनलाइ पहिलो पटक आत्मसाथ गर्ने मौका पर्खिरहेका जनहरु टर्मिनलमा करिब ६ घण्टादेखि  कारागार जीवन झैँ कैद छन् /भोकले नराम्रो संग गाजे पनि गन्तब्यमा पुगुला र आहार लिउला भन्ने मोटिभेसनले पटक पटक हमला गरिरहेको छ /कालांगकिलिंग एटमोस्फेयरले संवादमा पुर्याइरहेको असरको बाबजुद केहि स-साना संबादले काम चलाउनु पर्ने टड्कारो आवस्यकतालाइ मूर्तता प्रदान गरिए पनि त्यो एकदम कम छ / 

समूहको सदस्य यो ब्लगरलाइ अब के होला को पूर्वाभास छैन / यसलाई बिगत र वर्तमानको प्रारूपमा भविष्यको आकंलन छैन / यो एकदम कोरा छ / यसलाई थाहा छ  “existence is ever happening, nobody is doing nothing”.   

केहि सजिवताहरु  

यी मैले त पुरै फरम्याट तयार पारेको छु”- उ आफ्नो ह्यान्ड क्यारीबाट केहि थान पेपर निकाल्छ र पुरै गर्बका साथ यसको प्रस्तुति गर्छ / यस्तो लाग्दछ कि उ नै यस युगको सर्वकालिक महान मान्छे हो / नवीनता पहिल्याउन  उसलाई कोलोम्बस ले पनि भेट्दैन/ तर उ यसमै यति खुसि छ भने गर्ननै के सकिन्छ र !!! मय उसको संबादलाइ काटिरहनु त्यति जायज पनि त होइन/ एक्टिव लिसनिंगके हो उ संग केहि समय रहे एकदम थाहा लाग्छ / बिगतलाइ कोट्याईरहनुले यो ज्ञात हुन्छ उ बिगत लवरहो / जसमाथि उसको अगाथ स्नेह झल्किरहन्छ / सायद दिमागमा रहेको कुनै कुनै बोझहरु रिपिटेडलि उ यसरीनै फ्ल्यास गर्दो हो र चैनको सास फेर्दो हो / कसको दिलदिमाग को छिर्या छ र !!!!

बिस्तारित आँखा उतैतिर छन् / सिसा बाहिर रनवेमा एन. ए.को लोगोसंग एकाकार होला कि आशा को त्यान्द्रो लिएर गम खाइरहेको देख्दा लाग्छ उ २४ दिनदेखि टेलमा लिखित लोगोको पर्खाईमा छ / समूहको लिड गर्नुपर्ने र जवाफदेहिता बहन गर्नुपर्ने कारणले होला उ किन्चित पनि बिचलित छैन / कालो पट्टि, बन्द आँखा, सन्तुलित तराजु लिएर ठिंग उभिएरहेकी एउटी महिलाको याद उ बिर्साईरहेछ /   

खै के उपमा दिउ उसलाई मिथमेकर कि मिथब्रेकर ? ज्ञान को पोको वा ज्ञान को भोको ? के उ टेल टेल हार्टको ब्लु पेल भल्चर आइ वाला बुढो त होइन ? याद रहोस उ प्रति हत्याको प्रयास कसैले गर्ने छैन / सुर्यबाट तेस्रो पंक्तिमा अवस्थित पिर्थीबीर दोस्रो लहरको बुधबीचको दुरीमा उ किन यति कंफिउज़ड छ वा किल्यरछ त्यो माथि एउटा लामै रिसर्च हुनु पर्ने हो / यी दुइको पिण्डको आयतनमा आधारित उसको बहस यस्तो हुलमुलमा कहाँ बुझिन्छ र ! बरु प्रयोगशालाको प्रयोगले जान अन्जानमै केहि साबित पो गरिदिन्छ कि !! अरे बाफ रे बाफ ! 

कति बेला गायकटर्मिनलमा छिरीसकेको रहेछ / पछि मात्र यो ब्लगरको मस्तिस्कमा चिनेको मुहार आँखाको रेटिना हुँदै सिन्ग्निफाइड भैसकेको हुन्छ / उसका धसिसकेका आँखा र पुक्क उठेका गालाका माथिल्ला भागले  कागको चोसो झैँ प्रतिबिम्बित गरिरहेको हुन्छ / सायद नाम नखुलेको कालो पदार्थको कन्जुमले होला उसको अउरा अलि डिम परेको देखिन्छ / उ पालाकपिलिक गर्दै स्मोकिंग जोनमा छिर्छ र बर्जित फलमिसिएको पफ लिएपछि पुन: यथास्थानमा कफी को चुस्कीमा रमाउन थाल्छ /

 “उ फलानो”?

 को ?

फलानो के ?

ए ! कस्तो अर्कै देखिएको त्यो त ! बोके दारी बिना उ बिल्कुल फरक देखिन्छ त !

होss , अनि बर्जित फलको कन्ज्युमले पनि होला उ अलि बेग्लै देखिन्छ /

छुटेको मान्छे 

मोबाइलको टच सेन्सरलाइ कति दुख्दो हो प्रोडिंग, पिन्च, पोक, ड्रयाग जस्ता पर्यायहरु लाददा / बरा ! बोल्न 
सक्दैन के गरोस ! सहनको क्लाइमेक्स मात्र होइन होराइजननै भेटीसक्यो होला / तैपनि यसको धनीलाइ
 ‘बालछैन / पटक पटक उ यसमाथिको आधिपत्यलाइ प्रगाढ बनाउनमानै तल्लिन छ / भर्चुअल संसारको
 टाइमपासले कतै वर्ल्ड अफ अप्पिएरेंसछुटीरहेको त छैन नजिक को तिर्थ हेला झैँ /

वर्ल्ड अफ अप्पिएरेंसमा 

ट्वीट कुमारी : घुम्न पुग्यो ?

ब्लगर: एकदम बोर छ यो अघोषित जेल !

ट्वीट कुमारी: उ त्यस्तो गरे भैगोनी ! ( पुनश्च: एउटी बिदेशी महिला कसरत गरेको इंगित गर्दै )

संबाद टुंयाउदै फेरी भर्चुवल वर्ल्डमा फिर्ती सवारी हुन्छ यो छुटेको मान्छेको.....  

 मिठो बोली लिएर अनाउसर भन्छे जहाज नं फलानो रद्ध गरिएको छ !!!!!!! 

फिगर्स अफ प्रुरिडीयेन्ट फिलोसफर पिंचड एंड
 पोक्ड” - इ.इ.कुमिंग